top of page
OUR ARTISTS
ELOFF & EARLY B PREDIK: DIS BIKINIWEER HIERDIE DESEMBER!
Hou jou sonbril gereed, want die weervoorspelling vir Desember sê dit gaan sizzling hot wees met ‘n 100% kans op ‘Bikiniweer’ – alles danksy Eloff en Early B!
Ná sy sukses met “Groeipyne” (saam met Die Piesangskille) en “As Ek Dalk” (saam met Demi Lee Moore), het Eloff besluit daar’s plek vir nog ‘n collab met Early B. Enter “Bikiniweer”, wat jou Desembervakansie behoorlik gaan laat afskop!
“Bikiniweer” is nou amptelik die nuwe code word vir Desember-vibes – en jy hoef nie eens by die see te wees nie. Of dit nou by ‘n swembad, rivier, dam of selfs op ‘n seiljag is (tap water in jou bad as jy moet!), hierdie tune is gemaak om jou in vakansiemodus te gooi.
“Die song is net ‘n lekker feel-good vibe,” vertel Early B.
“Hy sê vir almal: gaan uit, geniet jouself, trek jou bikini aan en maak hom net rock.”
Maak dus seker jy’s ready vir ‘n maand vol son, pret en “Bikiniweer” saam met Eloff en Early B!
VENTER IS HIER! SY DEBUUTENKELSNIT BRUIS VAN NOSTALGIE!
Afrikaans Op Die Platteland se Nuwe Talent-kompetisie het ‘n waardige wenner opgelewer: Venter, wat nie net die gesogte titel ingepalm het nie, maar ook ‘n platekontrak met Select Musiek in die sak gesteek het.
Tydens die fees het Venter die publiek betower met sy vertolking van Theuns Jordaan se geliefde liedjie, “Deur Die Winters”. Sy hartroerende weergawe het hom ‘n warm ontvangs besorg en is nou sy eerste enkelsnit, beskikbaar op alle digitale platforms, kompleet met ‘n splinternuwe musiekvideo.
“Dit is vir my ‘n groot voorreg om ‘n cover te doen van so ‘n groot legende soos Theuns Jordaan. Ek hoop dat mense aanklank sal vind met my weergawe en die nostalgie van die liedjie, maar ook nuwe klanke sal verwelkom. Ek hoop Oom Theuns sal trots wees,” vertel Venter.
Venter is reeds op ‘n landwye toer met sy optredes en werk gelyktydig aan oorspronklike musiek wat binnekort vrygestel sal word. Sy passie en talent beloof om Afrikaanse musiek verder te laat blom.
Sluit aan by die viering van Venter se reis en laat die klanke van “Deur Die Winters” jou hart verwarm. Luister nou en bly ingeskakel vir meer van hierdie opkomende ster!
WILMA VAN HEERDEN DROOM VAN DIE PERFEKTE LIEFDE MET ‘KOEBAAI AAN MY HART’
Wilma van Heerden het in 2023 die musiekbedryf betree met ‘SySoen’ en ‘Maklike Wiskunde’ en het baie vinnig ‘n gunsteling geword onder jongmense.
Haar eerste enkelsnit ‘SySoen’ het vroeg in 2024 reeds Goue Status behaal. Nou droom Wilma met haar nuutste enkelsnit ‘Koebaai Aan My Hart’, wat oor die opgewondenheid van die perfekte liefde en ‘n nuwe verhouding. Muse Studios wat haar eerste twee enkelsnitte vervaardig het, het ook hierdie enkelsnit vervaardig.
‘Koebaai Aan My Hart’ word saam met ‘n musiekvideo vrygestel waarin Wilma twee rolle van ‘n fliek-romanse vertolk en droom van die perfekte verhouding wat meeste van die tyd net in movies gebeur, maar in haar geval word dit realiteit.
Maak gereed om weer opgewonde te word oor liefde met ‘Koebaai Aan My Hart.
Shakira het die musiekbedryf verras met haar eerste enkelsnit “Disco” en lekker opslae gemaak. Nou bederf Shakira ons met ‘n splinternuwe enkelsnit en dit gaan by jou “Spook” wat nou beskikbaar is.
“As ‘n jong meisie, gebeur dit nogals gereeld dat ek ‘n mooi ou iewers sien/ontmoet, en dan kan ek hom net nie uit my gedagtes uit kry nie. Mens kan rerig sê hy SPOOK by my… Dan is dit net die geval van of hy my gaan ghost of nie!”, vertel Shakira oor haar nuwe enkelsnit.
Soos die lirieke in die eerste vers sê: “ek dink jy sal my vir altyd haunt, in die huis in my kop, ek sien hoe jy nader kom en my hand vat, nooit gedink ‘n hart kan so vinnig klop”. Dis presies waaroor die nuwe liedjie gaan – reguit uit haar eie pen. Daardie liefde wat vir altyd by jou sal “Spook”.
ADAM is 'n bekroonde drieband uit Suid-Afrika, bestaande uit die talentvolle musikante Hugo Ludik, Christoff de Beer, en Nick Jordaan. Hulle spesialiseer in 'n betowerende popklank wat 'n mengsel van varsheid en aansteeklikheid bied, verryk met 'n bietjie volwasse kontemporêre styl. Merkwaardig het ADAM se albums 'Vir Jou Gemaak' en 'Goud' onlangs goue status bereik, en hul verkope bly voortdurend styg.
Matt Gardiner is a multi-talented
singer-songwriter, musician and producer from Pietermaritzburg, South Africa, who in his solo show combines his strong vocals, guitar with a looping pedal for an upbeat, vibey & captivating performance. He can also be seen with his band as a 3 piece in a high energy, exciting live show.
He made his South African national debut in 2016 when he became one of the Top 37 contestants of South African Idols.
Matt has since shared stages with artists such as Matthew Mole, Will Linley, Rubber Duc, Majozi, Desmond and the Tutus, December Streets, Prime Circle, Micasa, Arno Carstens, Just Jinjer as well as international pop duo Neon Dreams, to name a few.
Apart from sharing stages, Matt has gone on to perform on some of the most prestigious stages around the country including Splashy Fen, Lube and Tube, Old Mutual Music at the Lake, Ballito Pro to name a few, as well as other festivals and events.
A highlight in Matt’s career was representing South Africa at the Shanghai International Sister Cities Youth Camp in 2013 for music and culture, as well as winning the award for music at the 2018 KZN Young Achiever’s Awards.
He describes his music as acoustically written and transformed into a uniquely different pop sound with electronic production, deep and melodic bass-lines which can also be experienced in his solo or full band performances.
His single Brown 'Hair, Brown Eyes' has been heard across radio stations nation wide and even went on to taking the #1 spot, closely tailed by his follow up single ‘Believer’ which has at the time of writing reached number 2 on the 5FM Pop chart. His new single Hometown Drama that he did with American producer John McLucas is out everywhere now.
Jacques Not Jack: 'n Opkomende Ster in Volkspop
Ontmoet Jacques Not Jack, 'n begaafde musikant van Pretoria, Suid-Afrika, wie se boeiende volkspopmusiek besig is om stadig maar seker aandag te trek. Van kleins af, toe hy op nege in sy broer se kamer ingesluip het om liedjies te leer, het Jacques sy passie verweef in hartroerende melodieë wat die siel raak. Sy nuutste enkelsnit, "Wees," is 'n pragtige voorbeeld van sy talent om snitte te skep wat emosioneel resoneer en by luisteraars bly.
Gewortel in die Afrikaanse musiektradisie, vermeng Jacques se liedjies sagte volkspopmelodieë met hartroerende lirieke, wat 'n warm, uitnodigende klank skep. Treffers soos "Aandklas," "OD," en "Minder Mis" het vir hom 'n toegewyde aanhang besorg, en "Wees" bied nog 'n kykie in sy artistieke hart. Met drome om die Afrikaanse trefferlyste te bestyg en op feesverhoë op te tree, is Jacques Not Jack 'n kunstenaar wat aan die opkom is. Duik in sy musiek en sluit aan by 'n reis van emosie en ontdekking!
SINGER-SONGWRITER, MATTHEW CHARLES RELEASES HIS
DEBUT SINGLE, “HOME”
21-year-old local talent Matthew Charles has dropped his debut single titled, ‘Home’. A journey that started with a love for music since before he
can remember has led him to this moment, where he can finally share his
own original music with the world. “Music has always been the best way
for me to express myself,” Matthew shares. When it came to developing
his debut single, he found himself fixated on the idea of ‘home’ - not being
a place, but rather a feeling you have when you’re around someone
POSDUIF, 'n Suid-Afrikaanse band en trotse ontvanger van die SAMA vir "Beste Pop Album," maak golwe met hul vars en energieke klank. Gestig in 2018, het hierdie dinamiese groep gedebuteer met die treffer "Brandy Special," wat die aandag van honderde duisende op sosiale media vasgevang het.
Sedert hul ontstaan het POSDUIF drie ekstra enkelsnitte vrygestel - "Een Vir My," "Laat Val Die Water," en "Herinner My." Hul debuutalbum, getiteld "Niks Vergelyk," het die eerste enkelsnit en musiekvideo van dieselfde naam ingesluit, vrygestel op 21 Oktober 2022. Gunstelinge soos "Stellenbosch Somersaand" en "Spinnekop" het gevolg.
In 2022 het POSDUIF die South African Music Award (SAMA) vir "Beste Pop Album" ingepalm. In 2023 het hulle twee gewilde treffers bekendgestel, "Vat Jou Hoender" en "Waar Ek My Lippe Neerlê," waarvan die eerste hul mees gestroomde lied tot dusver is.
Al POSDUIF se enkelsnitte en musiekvideo's het wydverspreide lof gekry, deur die ranglyste van verskeie plaaslike radiostasies te domineer en duisende kyke op YouTube aan te teken. Die groep se uitnemendheid het hulle nominasies vir Groep van die Jaar en Lied van die Jaar van Bok Radio opgelewer.
Met 'n unieke klank en 'n onwrikbare passie vir musiek spreek POSDUIF mense van alle ouderdomme aan. Hul vermoë om die positiewe aspekte van die lewe te vier, maak hulle 'n gewilde keuse. Verseker nou jou bespreking met POSDUIF om die sielskudding self te ervaar.
bottom of page